Psa 25 | VulgJ | STEP | psalmus David iudica me Domine quoniam ego in innocentia mea ingressus sum et in Domino sperans non infirmabor David iudica me Deus quoniam ego in simplicitate mea ambulavi et in Domino confidens non deficiam

Psalms 25

1 psalmus David iudica me Domine quoniam ego in innocentia mea ingressus sum et in Domino sperans non infirmabor ^va 2 proba me Domine et tempta me ure renes meos et cor meum ^va 3 quoniam misericordia tua ante oculos meos est et conplacui in veritate tua ^va 4 non sedi cum concilio vanitatis et cum iniqua gerentibus non introibo ^va 5 odivi ecclesiam malignantium et cum impiis non sedebo ^va 6 lavabo inter innocentes manus meas et circumdabo altare tuum Domine ^va 7 ut audiam vocem laudis et enarrem universa mirabilia tua ^va 8 Domine dilexi decorem domus tuae et locum habitationis gloriae tuae ^va 9 ne perdas cum impiis animam meam et cum viris sanguinum vitam meam ^va 10 in quorum manibus iniquitates sunt dextera eorum repleta est muneribus ^va 11 ego autem in innocentia mea ingressus sum redime me et miserere mei ^va 12 pes meus stetit in directo in ecclesiis benedicam te Domine

^va